freed 11 desimber 2015 Nije hiemside en nij byldmerk foar Linum túnfoarmjouwing en advys

Ofrûne freed 11 desimber wie in heuchlike dei, de nije hiemside www.linum.nl is lansearre. De âlde foldie net mear oan de hjoeddeistige easken, om’t in hiemside njonken it kompjûterskerm ek goed lêsber wêze moat –fia it saneamde ‘responsive design’- op bygelyks it skermke fan jins mobile telefoan en I-pad. De nije side is oersichtlik foarmjûn troch Netsupport fan Ljouwert. Tagelyk hat Linum in nij byldmerk krigen, ienfâldich mei mear útstrieling.

sneon 28 novimber 2015 Linum túnfoarmjouwing en advys is ferhuze!

Sûnt sneon 28 novimber is it atelier fan Linum fêstige op in hiel nijsgjirrige lokaasje krekt by-easten de Ljouwerter wyk Cammingabuorren. Dêr oan de igge fan de Nije Wielen, leit in keunstmjittich ‘skiereilân’ mei 20 wenten om in samlik ‘beginehofke’ hinne. Under it hege sealtek fan hûsnûmer 3 ûntwerpt Linum tenei har tunen, tekenet fluorringsplannen, beplantingsplannen en foarsjocht yn ûnderstypjende detaillearings. Der is ek oerlisromte oanwêzich.

moandei 26 oktober 2015 Nij ûntwerp eftertún te Ljouwert

Foar in lytse eftertún yn Ljouwert hat LINUM krekt lyn in túnûntwerp makke, dêr’t alle winsken nei tefredenheid fan de bewenners yn ferwurke binne. It mulpunt yn dizze ynbannige stedtún foarmet in...

moandei 21 septimber 2015 Kursus ontwerpen met planten

Ofrûne sneon 19 septimber ús lêste nijsgjirrige kursusdei beplantingsplannen analisearje en opstelle yn 'e tunen fan Mien Ruys te Dedemsfeart.

snein 13 septimber 2015 Túnbabbel

Us earste "túnbabbel" yn Berltsum op it hiem fan van Tuinen Tuinservice, mei sa'n 60 besikers. Mei fan lofts nei rjochts...

woansdei 1 april 2015 Helje mear út jo platte dak!

Op 18 april 2014 is tusken ús sinnepanielen op it atelier fan Linum in Sedumtek oanbrocht. Njonken alderhanne fetkrûden binne ek oare (keuken)krûden en rotsplanten oanbrocht. Om't it in frij âlde wente is, is foar de wissichheid keazen foar in tinne substraatlaach fan 7 sentimeter tsjok. Dochs romte genôch foar planten dy't ûnder dizze omstannichheden waakse wolle.

tongersdei 5 maart 2015 Linum stiet wer op Huis&Tuin beurs WTC Ljouwert, 5-9 maart

Linum túnfoarmjouwing en advys hat foar hôveniersbedriuw van Tuinen Túnsurvis (www.vantuinen.nl)  in paviljoen foarmjûn fan 6x6 meter, dêr’t 2 noviteiten by yntegrearre binne.
 
Fan 5-9 maart wolle wy jo graach wolkom hjitte yn ús stend mei nr. 4115, WTC Ljouwert.

moandei 1 desimber 2014 Hjerstbeurt; besinne ear’t jo begjinne!

Guon túnbesitters hâlde fan in tún, dy’t der it hiele jier kreas en himmel by leit. Sy of harren hôveniers binne op dit stuit grif drok dwaande om alle hjerstblêden byelkoar te swyljen, de lêste gerskantsjes te stekken en de ôfstoarne plantedielen ôf te knippen. Hjerstbeurten wurde no rûnom...

freed 15 augustus 2014 De prêrjetún yn De Wilp (Gr.)

Foar dyjinge dy’t fan natuerlike beplantingskombinaasjes hâlde is in besite oan de prêrjetún fan ‘Lianne’s Siergrassen’ yn de Wilp hiel nijsgjirrich en in boarne fan...

tongersdei 3 july 2014 Bedriuwstún te Boalsert

3 july 2014,

 

Foar dizze tún hat Linum yn maaie 2012 in renovaasje-ûntwerp makke, wêrfan de oanlis novimber 2012 útein sette. Foar de oanlis liet de grûnwetterhúshâlding gâns te winskjen oer, wêrtroch beplanting en it gers him min ûntjoech. De romtlike yndieling wie soksoartich dat.....

tiisdei 1 april 2014 Genietsje fan bollen en knollen

Op dit stuit binne der mar leafst trije túnen fan Linum yn oanlis. Mei troch it skitterjende maaitiidswaar ferrint de plenning flot. Se wachtsje no om ynplante te wurden. Meikoarten kinne jo de risseltaten bewûnderje ûnder dit aitem.

tongersdei 27 febrewaris 2014 Sjotún ’Hortus conclusus’ op Huis&Tuin 2014

Tongersdei 27 febrewaris is het safier. Fjouwer dagen lang túnbeurs yn it World Trade Centre (WTC) te Ljouwert. In protte hôveniers sille wer alle war dwaan om yn tige koarte tiid in folsleine tún te realisearjen. Dêrmei profilearje se harren bedriuw oan de tsientûzenen besikers, dy’t hjir jierliks op ta komme.

Linum túnfoarmjouwing en advys hat foar hôveniersbedriuw van Tuinen túnsurvis in sjotún ûntwurpen dy’t basearre is op de midsieuwen. It hjit fan Hortus conclusus, de omsletten tún. 

 

Linum wol jo fan herte wolkom hjitte!

Huis&Tuin fan tongersdei 27 febr. o/m snein 2 maart 2014